काठमाडौँ । प्रहरीले, बालुवाटारको ललिता निवास जग्गा प्रकरणमा मुछिएका पूर्व भुमिसुधार मन्त्री चन्द्रदेव जोशीलाई बयान लिन बोलाएर त्यसै फर्काएको छ । सोमबार राष्ट्रिय अनुसन्धान व्युरो सीआईबीको कार्यालयममा नै बयानका लागि बोलाइएपनि आफूलाई त्यसै फर्काइएको पूर्वमन्त्री जोशीले बताए ।
पूर्वमन्त्री जोशीले सामाजिक सञ्जालमा लेख्दै बयानका लागि सीआईबी प्रमुखले बोलाएपछि सोमबार दिउँसो १ बजे सीआईबीको कार्यालय पुगेको तर फेरि बोलाउला भनेर त्यसै फर्काएको बताएका छन् । उनले लेखेका छन्, ‘पहिलो पटक सिआइबी प्रमुख आफैले बयानका लागि भनेर बोलाउनु भयो । तर फेरी अहिले नआउनु भनि खबर आयो । आज फेरी बोलाए बमोजिम सवा १ बजे सीबीआइ कार्यालय पुगेको थिए । तर बयान नलिइ फेरी बोलाउँला भनी फर्काइयो । भ्रष्टाचारविरुद्धको हरेक प्रयासमा मेरो प्रतिवद्धता कायम छ । म फरार छुँइन ।’
उनले भ्रष्टाचारविरुद्धको हरेक प्रयासमा आफ्नो प्रतिबद्धता कायम रहेको भन्दै आफू फरार नभएको पनि स्पष्ट पारेका छन् ।
