जनकपुरधाम । जनकपुर जलेश्वर सडक खण्डमा स्कुल बसको ठक्कर बाट एक जनाको मृत्यु भएको छ ।
जनकपुरधामको मिथिला इन्ष्टिच्युट अफ टेक्नोलोजी (मिट) स्कुलको बा २ क १५३६ नम्बरको बसले विपरीत दिशाबाट आउँदै गरेको ज ८ प ९२६७ मोटरसाइकललाई ठक्कर दिँदा चालकको मृत्यु भएको हो ।
मृत्यु हुनेमा जलेश्वर नगरपालिका ९ बस्ने ३५ वर्षीय सन्तोष यादव रहेको प्रहरी ले जनाएको छ । बसले दिँदा मोटरसाइकल चालकको मृत्यु भएको विरोधमा स्थानीय बासिन्दाले सडक बन्द गराएका छन । बसको ठक्करबाट घाइते भएका यादवको अस्पताल लैजाँदै गर्दा बाटोमा मृत्यु भएको जिल्ला प्रहरी कार्यालय महोत्तरीका प्रहरी नायब उपरिक्षक दिलिपकुमार गिरीले बताए ।
