काठमाडौँ । मुस्ताङको घरपझोङ गाउँपालिकाका अध्यक्ष मोहनसिंह लालचन (मोहन थकाली) लाई प्रहरीले जुवा खेलिरहेको अवस्थामा पक्राउ गरेको छ ।
वडा प्रहरी कार्यालय, बैदामको टोलीले बिहीबार पोखरा महानगरपालिका-८ सिर्जनाचोकस्थित लक्ष्मी होटलमा तास खेलिरहेको अवस्थामा नियन्त्रणमा लिएको हो । ऊनी सहित ७ जनालाई प्रहरीले नियन्त्रणमा लिएको थियो ।
गाउँकै आफन्तको होटल भएकाले पोखरा नै बसेका थिए र त्यहीँ तास खेलिरहेका थिए । प्रहरीले ४ लाख ४७ हजार ८० रुपैयाँ र ४ बुक तास बरामद गरेको छ । अध्यक्ष लालचन मुख्यमन्त्री कार्यालय, गण्डकीले गत ३ र ४ भदौमा पोखरामा गरेको नवप्रवर्तन साझेदारी कार्यक्रमको समीक्षा कार्यक्रममा सहभागी हुन पोखरा पुगेका थिए ।
