पर्सा । वीरगन्ज बाट लागु औषध बरामद भएको छ ।
प्रहरीले वीरगन्ज महानगरपालिका वडा नम्बर २२ मनियारीस्थित खेतमा ठूलो परिमाणमा बेवारिसे अवस्थामा रहेको लागु औषध बरामद गरेको हो ।
उक्त स्थान बाट प्रहरीले ८ हजार ९१५ पिस लागु औषध बेवारिसे अवस्थामा बरामद गरेको हो । दुई वटा बोरामा रहेको डाइजेपाम २ हजार ३३५ थान , नुर्फिन ३ हजार १६९ थान र फेनरागन ३ हजार ४११ थान गरी कूल ८ हजार ९१५ थान लागु औषध बरामद भएको पर्साका प्रहरी उपरीक्षक कोमल शाहले बताए ।
स्थानीयले दिएको सूचना अनुसार वडा प्रहरी कार्यालय बाट खटिएको प्रहरी टोलीले बेवारिसे अअवस्थामा रहेको उक्त लागु औषध बरामद गरेको हो । थप अनुसन्धान भइरहेको प्रहरीले जनाएको छ ।
