काठमाडौँ । बनेपामा टिपरको ठक्करबाट एक जनाको मृत्यु भएको छ।
मंगलबार राति ९ बजे बनेपा नगरपालिका-७ धनेश्वर गेट नजिकै टिपरले ठक्कर दिँदा मोटरसाइकल चालक काभ्रे रोशी गाउँपालका-८ खार्पाचोकका ३९ वर्षीय सिद्धिकुमार लामाको मृत्यु भएको प्रहरीले जनाएको छ।
बनेपाबाट पनौती जाँदै गरेको बा.८४ प ६९५९ न.को मोटरसाइकललाई विपरीत दिशाबाट आएको बा.४ ख.९९७५ न.को टिपरले ठक्कर दिएको थियो।
ठक्करबाट घाइते भएका उनलाई उपचारका लागि शिर मेमोरियल अस्पतालमा लगिएको थियो। थप उपचारका लागि उनलाई अन्नपूर्ण न्युरो अस्पतालमा लगिएकोमा आज बिहान मृत्यु भएको प्रहरीले जनाएको छ । प्रहरीले टिपर र टिपर चालकलाई नियन्त्रणमा लिएको छ।
