काठमाडौँ । काठमाडौँ महानगरपालिकाका मेयर बालेन साहले महानगरमा राति १ बजेसम्म देउसी भैलो खेल्न पाइने बताएका छन् ।
उनले सामाजिक संजाल फेसबुक मार्फत लेख्दै यस्तो बताएका हुन । उनले राती सम्म देउसीको लागि सुरक्षा व्यवस्था मिलाइएको बताए ।
उनले भने ‘विगतको वर्षहरूमा कोभिडका कारण र सुरक्षाका कारणले गर्दा तिहारमा देउसी भैलो खेल्ने समय काठमाडौँभित्र राती ९ बजेसम्म मात्र खेल्न अनुमति दिइएको थियो,’ मेयर बालेनले शुक्रबार सामाजिक सञ्जाल फेसबुकमा लेखेका छन्, ‘यो वर्ष काठमाडौँ महानगर नगर प्रहरीले राति १ बजेसम्म सुरक्षाका लागि पेट्रोलिङको व्यवस्था मिलाएका छौँ। सोही समयसम्म मर्यादित भएर देउसी भैलो खेलिदिनु हुन अनुरोध गर्दछौँ।’