बारा । बारामा बच्चा चोरी गरि भारत तर्फ लैजाने एक जना पक्राउ परेका छन् । जिल्लाको देवताल गाउँपालिका- ३ नन्की अमुवा बस्ने शिवपुजन महत्तोको ९ महिनाकी छोरी लक्ष्मी महत्तो र सोही ठाउँ बस्ने प्रेमचन्द्र महत्तोको छोरा बर्ष २ को सत्यम कुमार महत्तो लाई बोरामा हालेर भारत तर्फ लग्ने एक भारतीयलाई प्रहरीले पक्राउ गरेको छ ।
पक्राउ पर्नेमा भारतको पुर्वीचम्पारण मुर्तिया ग्रामपन्चायत ४ आधापुर बस्ने बर्ष २२ को ताबरेज आलम रहेको प्रहरीले जनाएको छ ।
उनले चोरी गरी बोरामा राखी भारत तर्फ लैजाने क्रममा बच्चाहरु रोएको आवाज सुनि सशस्त्र प्रहरी बल नेपाल नं १२ गण हेक्वा बारा मातहत बिओपी दक्षिणझिट्कैया बाट खटिएको टोलीले शंका लागी चेक जाँच गर्दा बोरामा दुबै बच्चाहरु फेला परेका थिए ।
प्रहरीले बच्चाहरुलाई उद्धार गरी अभिभावकलाई जिम्मा लगाएको छ भने चोरी गर्ने व्यक्तिलाई नियन्त्रणमा लिई आवश्यक अनुसन्धान सुरु भएको जनाएको छ ।
