काठमाडौं । काठमाडौँ महानगरपालिका का सार्वजनिक स्थानमा भिक्षा माग्न निषेध गरिएको छ । महानगरले एक सार्वजनिक सूचना जारी गर्दै भिक्षा माग्न निषेध गरिएको छ । महानगरको सूचनामा महानगर क्षेत्रभित्रका सडक, गल्ली, पार्क, बस बिसौनी, सरकारी कार्यालय परिसर, सार्वजनिक गाडी र अन्य सार्वजनिक ठाउँमा भिक्षा माग्न निषेध गरेको उल्लेख गरिएको छ ।
काठमाडौँ महानगरपालिका नगर सभा ११औँ अधिवेशनबाट सार्वजनिक स्थानमा भिख माग्न नपाइने स्वीकृत नीति समेतका आधारमा यो सूचना जारी गरिएको महानगरले जनाएको छ ।
तर साधु, सन्त, जोगी वा भिक्षुले सनातनदेखि चलिआएको परम्परा अनुसार घर घरमा पुगी भिक्षा माग गरेमा वा कुनै धार्मिक वा सांस्कृतिक कार्यमा माग्ने भने पाइने सूचनामा जनाइएको छ । 
