काठमाडौं । अख्तियार को निरीक्षक हु भन्दै पैसा असुल्ने तीन जना पक्राउ परेका छन् ।
महोत्तरीको जलेश्वर नगरपालिका वडा नम्बर १२ सीमा क्षेत्रमा नेपाल–भारत आउजाउ गर्नेहरुसँग अख्तियारको प्रहरी निरीक्षक हुँ भन्दै पैसा असुल्ने तीन जनालाई प्रहरीले पक्राऊ गरेको हो । पक्राउ पर्नेमा जलेश्वर नगरपालिका वडा नम्बर १२ का ३० वर्षीय रवि ठाकुर, लोहारपट्टी नगरपालिकाका २९ वर्षीय प्रभास झा र २१ वर्षीय हमिद राईन रहेका छन् ।
ऊनीहरु लाई जलेश्वर नगरपालिका वडा नम्बर १२ नैन्ही गाउँस्थित सीमानाकाबाट पैसा असुली गरिरहेको अवस्थामा प्रहरीचौकी नैन्ही र सशस्त्र प्रहरी बल नेपाल बीओपी जलेश्वरको टोलीले पक्राउ गरेको हो ।
प्रहरीले उनीहरुको साथबाट पाँच हजार ८०० भारु बरामद गरेको छ । प्रहरी ले तीनैजनालाई पक्राउ गरि आवश्यक अनुसन्धान अगाडि बढाएको छ ।
