काठमाडौं । राष्ट्रपति विद्यादेवी भण्डारी आज पोखरा पुग्नु भएको छ । भोलि हुने विभिन्न कार्यक्रममा सहभागी हुन राष्ट्रपति बुद्ध एयरको जहाजमार्फत पोखरा आज दिउसो पुग्नु भएको हो ।
राष्ट्रपति भण्डारी पोखराको विरौटास्थित होटेल पोखरा ग्रान्डमा बस्नुभएको छ । मङ्गलबार बिहान ८.३० बजे पोखरास्थित विन्ध्यवासिनी मन्दिरको दर्शन गरी ११ बजे विन्ध्वासिनी मावि बाटुलेचौरको हिरक जयन्तीमा सहभागी हुनुहुने कास्कीका प्रमुख जिल्ला अधिकारी जयनारायण आचार्यले बताए । उनका अनुसार राष्ट्रपति मङ्गलबार नै दिउँसो १ बजे तमुधीमा ट्रहोटे पर्वको कार्यक्रममा सहभागी बनी काठमाडौँ फर्कने कार्यक्रम छ । राष्ट्रपतिको पोखरा भ्रमणलाई लक्षित गरी पोखराको सुरक्षा व्यवस्था कडा बनाइएको छ ।
