काठमाडौं । ‘प्रेमगीत ३’का चार वटा हिन्दी गीत सार्वजनिक भएको छ । असोज ७ गतेदेखि नेपाली र हिन्दी संस्करणमा प्रदर्शन हुने फिल्म ‘प्रेमगीत ३’को हिन्दी गीतिएल्बम सार्वजनिक गरिएको हो। उक्त एल्बममा चार वटा गीत समावेश छन्। फिल्मका गीतमा पाकिस्तानी गायक राहत फतेह अली खान, भारतीय गायक जुबिन नौटियाल, पलक मुछल, अंकित तिवारी र देव नेगीले स्वर दिएका हुन । पहिलो पटक नेपाली फिल्म हिन्दी संस्करणमा प्रदर्शन हुन लागेको हो।
सन्तोष सेनको निर्माण तथा निर्देशन रहेको फिल्म निर्देशनमा सेनले स्वर्गीय छेतेन गुरुङसँग सहकार्य गरेका छन्। फिल्मको कथा पनि निर्देशक गुरुङले नै तयार गर्नु भएको हो ।
प्रदीप खड्का, क्रिस्टिना गुरुङको मुख्य भूमिका रहेको फिल्ममा सुनिल थापा आदि कलाकारले अभिनय गरेका हुन।
