काठमाडौं । छठ पर्वको आज दोस्रो दिन, खरना गरी मनाइँदै छ ।जीवन पद्धतिलाई प्रतिविम्बित गर्ने छठपर्वको खरनालाई पापको क्षय हुने दिन भनिन्छ ।
खरनाका दिन गाईको गोबरले लिपपोत गरी अरबा चामलको पिठोबाट तयार पारिएको झोलले भूमि सुशोभित गरी व्रती (दिनभर उपवास) बस्ने गर्दछन् ।
व्रतालुले कार्तिक शुक्ल पञ्चमीका दिन आज दिउँसो निराहार व्रत बसी राति सख्खरमा पकाइएको अरवा चामलको खीर कूलदेवता र छठीदेवीलाई चढाएर प्रसाद स्वरुप खानेछन् ।