काठमाडौं । काठमाडौँ महानगरपालिकाले सबै सामुदायिक विद्यालयमा कक्षा १० सम्मका विद्यार्थीलाई दिवा खाजा दिने भएको छ । दिवा खाजा कार्यक्रम भदौ १ देखि लागु गरिएको छ महानगरले जनाएको छ ।
सङ्घीय सरकारले प्रतिविद्यार्थी खाजाका लागि दुर्गम बाहेकलाई दैनिक १५ रुपियाँ उपलब्ध गराउँदै आएको छ। काठमाडौं महानगरले १५ रुपियाँ थपेर हरेक विद्यार्थीलाई दैनिक ३० रुपियाँ दिने निर्णयसमेत गरेको महानगरका शिक्षा अधिकारी सीताराम कोइरालाले बताए ।
महानगरपालिकाले यसअघि कक्षा ८ सम्मका विद्यार्थीलाई दिवा खाजा कार्यक्रम सञ्चालन गरेको थियो। दिवा खाजाका लागि महानगरले २३ करोड रुपियाँ विनियोजन गरेको छ।