काठमाडौं ।
बाल सुधारगृह सानोठिमीबाट अपराधमा मुछिएका एक सयभन्दा बढी भागेका छन्। सुधारगृहमा रहेका दुई सय ५६ जनामध्ये सय भन्दा बढी भागेको बताइएको छ ।
आइतबार सुधार गृहमा एक किशोरको मृत्यु भएपछि उनका आफन्तले गेटमा प्रदर्शन गरेका थिए । रामेछाप जिल्ला मन्थली नगरपालिका घर भएका १८ वर्षीय कमल बस्नेतको आइतबार बिहान मृत्यु भएको आफन्तले विरोध गरेका हुन् ।
।
भक्तपुर प्रहरी परिसरका प्रहरी नायब उपरीक्षक वसन्त पाठकका अनुसार सय बढी भागेको अनुमान गरिएको छ । भागेकामध्ये केहीलाई नियन्त्रणमा लिन प्रहरी सफल भएको छ । खोजतलास अहिले पनि जारी रहेको उनले बताए ।
