धनगढी । डडेल्धुरामा पहिरोसँगै खसेको ढुंगा लागेर मोटरसाइकलमा सवार एक जनाको मृत्यु भएको छ । मृत्यु हुनेमा अमरगढी नगरपालिका-४ बस्ने १७ वर्षीय राकेश ऐर रहेको प्रहरीले जनाएको छ ।
केआईसिंह राजमार्गअन्तरगत गन्यापधुरा गाउँपालिका-२ को रडुवामा खसेको पहिरोसँगै आएको ढुंगा लागेर उनको मृत्यु भएको हो । शनिबार डोटीको दिपायलबाट फर्किदा मोटरसाइकलको पछाडि सवार ऐरलाई माथिबाट खसेको ढुंगा लागेको डडेल्धुराका निमित्त प्रमुख प्रहरी निरीक्षक कुसुम नायकले बताए ।
गम्भीर घाइते ऐनलाई थप उपचारका लागि धनगढी रेफर गरिएकोमा राति बाटोमै मृत्यु भएको प्रहरी निरीक्षक नायकले बताए । ऐरको शव परीक्षणका लागि डडेल्धुरा अस्पतालमा राखिएको छ ।
