काठमाडौँ । बाँकेको सीमावर्ती क्षेत्र जमुनाह नाकाबाट नेपाली ३ लाख रकम सहित एक भारतीय नागरिक पक्राउ परेका छन । पक्राउ पर्नेमा भारतको बहराइच जिल्लाका ३० वर्षीय इस्तियाक अहमद रहेका छ्न ।
युपी ३२ एलएच ३७०४ नंको भारतीय मोटरसाइकलबाट नेपालतर्फ आउँदै गरेको अवस्थामा उनलाई पक्राउ गरिएको सीमा सुरक्षा गुल्म, जमुनाहाले जनाएको छ ।
भारतबाट मोटरसाइकलमा नेपालतर्फ आउँदै गरेका अहमदको साथमा फेला परेको सो रकमको स्रोत खुलाउन नसकेपछि नियन्त्रणमा लीएको हो । नियन्त्रणमा लिएका उनलाई बरामद रकम र मोटरसाइकलसहित आवश्यक कारबाहीको लागि नेपालगञ्ज भन्सार कार्यालय बाँकेमा बुझाइएको छ ।