बारा । बारामा बस दुर्घटना हुँदा एक जनाको मृत्यु भएको छ । चितवनकाे जलवीरे झरनामा पिकनिक मनाएर वीरगन्ज जादै गरेको गरेकाे बस शनिबार राती बाराको जीतपुर सिमरा उपमहानगर वडा नंबर २ स्थित सिमरा चोकमा दुर्घटना भएको थियो ।
ना ७ ख ४७४९ नंबरकाे बस शनिवार राती करिब ११ बजे अनियन्त्रित भई सिमरा चोकस्थित राष्ट्रिय वाणिज्य बैंक रहेकाे घरमा ठाेक्किएर दुर्घटना हुँदा ४० जना सामान्य र १० जना मध्यम घाइते भएका छन् । घाइते मध्ये एक जनाकाे अवस्था गम्भीर रहेको जिल्ला प्रहरी कार्यालय बाराले जनाएको छ ।
दुर्घटनामा भारत मोतीहारी बस्ने मुकेश साहको मृत्यु भएको जिल्ला प्रहरी कार्यालय बारा प्रहरीले जनाएको छ । दुर्घटनालगत्तै प्रहरी र स्थानीयले घाइतेको उद्धार गरेका थिए।
घाइतेहरूको हाल सिमराकाे अस्पताल र वीरगन्ज स्थित बयोधा मेडिसिटी अस्पतालमा उपचार भइरहेको जिल्ला प्रहरी कार्यालय बाराले जनाएको छ ।
