बारा । बाराको कलैया उपमहानगरपालिका वडा नम्बर ६ स्थित बाल एकता स्कुलका प्रिन्सिपल रूपेश स्वर्णकारको हत्यामा संलग्नको आशंकामा १० जनालाई प्रहरीले पक्राउ गरेको छ ।
प्रहरीका अनुसार अनुसन्धान अन्तिम चरणमा रहेको र पक्राउ परेका १० जना मध्ये संलग्नता पुष्टि भएकाहरूलाई आज पत्रकार सम्मेलन गरि सार्वजनिक गर्ने तयारी रहेकोे छ ।
प्रिन्सिपल स्वर्णकारको हत्यामा संलग्नलाई दिउँसो १ बजे सार्वजनिक गरिने बाराका प्रहरी प्रमुख एसपी सुरेश काफ्लेले बताए ।
सोमबार दिउँसो खाजा लिएर स्कुल फर्किने क्रममा दुईवटा मोटरसाइकलमा आएका ४ जनाको समूहले प्रिन्सिपल स्वर्णकारमाथि गोली प्रहार गरेका थिए।
प्रहरीको अनुसन्धानले आफ्नै प्रेमिकाकाे अर्को ब्वाइफ्रेण्डबाट हत्या भएको देखिएको छ ।
