![](https://dainikmandu.com/wp-content/uploads/2023/08/deadbody-124.jpg)
काठमाडौं । धनुषामा सोमबार मृत भेटिएका २२ वर्षीय राधे सहनीकी श्रीमतीको पनि मृत्यु भएको छ ।
सख्त घाइते अवस्थामा फेला परेकी २० वर्षीया अस्मिता शर्माको प्रादेशिक अस्पतालमा उपचारका सोमबार राति ११ बजे मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक दिपक कार्कीले बताए ।
महोत्तरी लोहारपट्टी नगरपालिका-३ महदैयाका घर भएका राधे केहि महिना अघि मात्र प्रेम विवाह गरेका थिए । विवाह पश्चात दुवैजना क्षिरेश्वरनाथ नगरपालिकाकै महेन्द्रनगरमा डेरा गरी बस्दै आएका थिए ।
राधे सोमबार बिहान धनुषाको क्षिरेश्वरनाथ नगरपालिका-३ पकडियास्थित सडक छेउको गहुँ खेतमा मृत फेला परेका थिए ।
प्रहरीले घटना बारे अनुसन्धान गरिरहेको छ ।