काठमाडौं । एसीसी प्रिमियर कप क्रिकेट प्रतियोगितामा आफ्नो समूहको विजेता बन्दै नेपाल सेमिफाइनलमा पुग्ने पक्का भएको छ । समुह चरणको आफ्नो अन्तिम खेल खेल्नुअघि नै नेपाल समूह विजेता बन्ने पक्का भएको हो ।
आज भएको खेलमा साउदी अरेबियालाई कतारले १५ रनले पराजित गरेसँगै नेपालले अन्तिम खेलअघि नै आफ्नो समूहको विजेता पक्का गरेको हो।
समूहको शीर्ष स्थानको नेपालको अन्तिम खेलअघि ६ अंक छ। नेपालले बुधबार साउदी अरेबियासँग खेल्दैछ। दोस्रो स्थानको कतारले सबै खेल खेल्दा ४ अंक जोडेको छ। साउदी, मलेसिया र हङकङले अन्तिम खेलअघि २-२ अंक जोडेका छन्।
समूहको अन्तिम खेलमा नेपालले साउदीसँग खेल्दा मलेसियाले हङकङसँग भिड्नेछ। समूहमा कतारसहित चार टिमको दोस्रो हुने सम्भावना छ। बुधबार समूह ‘ए’ अन्तर्गतको दुवै खेल नेपाली समय अनुसार, बिहान ११ः४५ बजे सुरु हुनेछ ।
