जनकपुर । जनकपुरमा दिउँसै पेस्तोल देखाएर ८० लाख रुपैयाँ लुटिएको छ। शुभ बचत तथा ऋण सहकारी संस्था धनुषाधामका कर्मचारी वीरेन्द्र महतोले बैंकबाट झिकेर लगिएको रकम लुटिएको हो ।
हिमालयन बैंकबाट ८० लाख रुपैयाँ लिएर धनुषाधामतर्फ जाँदै गरेको जनकपुरधाम उप–महानगरपालिका १९ थुमौना पोखरीको डिलमा महतोलाई पेस्तोल देखाएर लुटिएको प्रहरीले जनाएको छ ।
मोटरसाइकलमा जाँदै गरेको समयमा तीन जनाको समूहले पेस्तोल देखाएको थियो । घटना बारेमा जिल्ला प्रहरी कार्यालय धनुषले थप अनुसन्धान गरिरहेको छ ।