बारा । आजदेखि छठ पर्व सुरु भएको छ । छठको पहिलो दिन आज व्रतालुहरुले नहा खा अर्थात नुहाएर खाने गर्दछ । छठको दोस्रो दिन भोलि बुधबार खर्ना मनाइनेछ । खर्नाका दिन व्रतालुहरुले दिनभरि उपवास निराहार बसेर राति कूल देवताको पूजा गरि अरवा अरबाईन (विनानुन हालेको)खानेकुरा खाने चलन छ ।
बिहीबार साँझ गहुँ र चामल ओखल, जातो वा ढिकीमा कुटान पिसान गरी सोबाट निस्केको पीठोबाट बनाइएका विभिन्न गुलियो खाद्यसामग्री ठकुवा, भुसवा, खजुरीया, जस्ता पकवान र विभिन्न फलफूल तथा मुला, गाजर, नरिवल, सुन्तला, केरा नाङ्लो, कोनिया, सरवा, ढाकन, माटोको हात्ती, ठूलो ढाक्कीमा राखी परिवारका सम्पूर्ण सदस्य विभिन्न भक्ति एवं लोकगीत गाउँदै निर्धारित जलाशय नजिक बनाएको छठ घाटसम्म पुग्नेछन ।
षष्ठीका दिन बिहिबार व्रतीहरूले सन्ध्याकालीन अघ्र्यका लागि पानीमा पसेर अस्ताउँदो सूर्यलाई आराधना गर्दै सूर्यलाई अर्घ्य अर्पण गर्नेछन । त्यसको भोलिपल्ट अर्थात शुक्रबार एकाबिहानै पुनःछठ घाटमा पुगी जलाशयमा पसेर उदाउँदो सूर्यलाई अर्घ्य दिई चार दिनको विधि अनुसार छठ पर्व सम्पन्न हुने गर्छ ।
