काठमाडौं । भक्तपुरमा सवारी दुर्घटनामा एक जनाको मृत्यु भएको छ । जिल्लाको मध्यपुर थिमी नगरपालिका-३ गठ्ठाघरस्थित ट्राफिक कार्यालय अगाडि बस र स्कुटी दुर्घटना हुँदा युवतीको मृत्यु भएको जिल्ला प्रहरी परिसर भक्तपुरका प्रहरी प्रवक्ता लोकबहादुर जीसीले बताए ।मृत्यु हुनेमा रामेछाप घर भई काठमाडौंको जडिबुटीस्थित बर्गर हाउसमा कार्यरत २४ वर्षीया रेजिना तामाङ रहेकी प्रब्क्ता जीसीले बताए ।यस्तै स्कुटी चालक रामेछापको दोरम्बा गाउँपालिका-५ घर भई जडिबुटीमा बस्ने १८ वर्षीय सिद्धार्थ मगर भने घाइते भएका छन् । उनको उपचार भक्तपुर ईन्टरनेशनल अस्पताल कौशलटारमा उपचार भइरहेको प्रहरीले जनाएको छ ।प्रहरीले बस चालक काभ्रेपलान्चोक तिमाल गाउँपालिका -५ नारायणस्थान बस्ने ५० वर्षीय पोते तामाङलाई पक्राउ गरी थप अनुसन्धान अगाडि बढाएको छ ।
