काठमाडौँ । भारतमा हुने एकदिवसीय विश्वकप क्रिकेटको छनोटमा नेपाल वेस्टइन्डिज र जिम्बाब्वेसँगै समूह ‘ए’मा रहेर प्रतिस्पर्धा गर्ने पक्का भएको छ।
अन्तर्राष्ट्रिय क्रिकेट परिषद आईसीसीले आज सार्वजनिक गरेको खेल तालिका अनुसार ३ असारदेखि सुरु हुने प्रतियोगिताको उद्घाटन खेल नेपालले घरेलु टोली जिम्बावेसँग हरारे स्पोर्टस क्लबमा खेल्नेछ ।
आज सार्वजनिक भएको ड्रअनुसार नेपाल, वेष्टइण्डिज, जिम्बाब्वे, नेदरल्याण्ड्स र अमेरिका समूह ‘ए’मा परेका हुन्। समूह ‘बी’मा भने श्रीलंका, आयरल्याण्ड, स्कटल्याण्ड, ओमान र यूएई रहेका छन्।
छनोट प्रतियोगिता आगामी असार ३ गते बाट जिम्बाब्वेमा सुरु हुनेछ। लिग चरणको खेलपछि दुवै समूहका शीर्ष तीन टोलीबीच सुपर सिक्समा प्रतिस्पर्धा हुनेछ। शीर्ष २ टिमले विश्वकपमा स्थान बनाउने छन्।