काठमाडौं । प्रधानमन्त्री पुष्पकमल दाहाल प्रचण्डले नागरिकतासम्बन्धी विधेयक एक महिनाभित्रै टुंगो लाग्ने बताएका छन्। प्रतिनिधिसभाको बैठकमा सांसदको प्रश्नको जवाफ दिँदै उनले यस्तो बताएका हुन्।
अघिल्लो प्रतिनिधिसभाबाटै पारित भएर राष्ट्रपतिकहाँ पुगेको उक्त विधेयक होल्ड भएर बसेको भन्दै उनले राष्ट्रपतिमार्फत प्रमाणिकरण गराउने विषयमा छलफल भइरहेको बताए ।
उनले भने ‘दुईवटै सम्भावना म देख्छु । त्यहाँ उपस्थित भएको सुझावको आधारको एउटा बाटो । अर्को बाटो फेरि यही सदनबाट नै। अहिलेको यो नयाँ सदनबाट त्यसको विषयमा एउटा- या त संकल्प प्रश्तावमार्फत, या अरु कुनै प्रस्तावमार्फत् राष्ट्रपतिलाई त्यो विधेयकको बारेमा प्रमाणिकरण गर्न अनुरोध गर्ने बाटो एउटा हुनसक्छ। या अर्को क्याबिनेटबाट डिसिजन गरेर राष्ट्रपतिसँग अनुरोध गर्ने पनि एउटा बाटो हुनसक्छ,’
