काठमाडौं । गणतन्त्र दिवसको अवसरमा प्रधानमन्त्री पुष्पकमल दाहाल ‘प्रचण्ड’ले आफ्नो सरकारी निवास बालुवाटार परिसरमा तरकारी खेतीको सुरु गरेका छन् ।
उनल करेसाबारीमा काउली, काँक्रो, घिरौँला, करेला, मकै, फर्सी, खोर्सानी, बोडी, सिमी, भान्टा, धनियाँ लगायतका बिउ र बेर्ना रोपेका हुन् । प्रधानमन्त्री प्रचण्डले अर्थतन्त्रको मुख्य मेरुदण्ड कृषि भएको भन्दै यसलाई व्यवस्थित गर्न आफूले जोड दिने बताए ।
तरकारी खेती शुभारम्भ कार्यक्रमका लागि डिक फर नेपालका स्वयंसेवकहरूको सहभागिता रहेको थियो ।