काठमाडौं । महोत्तरीमा रहेको एनएमबी बैंकमा लुटपाट भएको छ । जिल्लाको महोत्तरी- २ मा रहेको एनएमबी बैंकको शाखा कार्यालयमा आज दिउँसो लुटपाट भएको हो ।
हातहतियारसहित बैंकमा पुगेका समुहले ४ जनाको समूहले बैंकको रकम लुटपाट गरेर भागेको जिल्ला प्रहरी कार्यालयका महोत्तरीका प्रहरी नायब उपरीक्षक दिलिपकुमार गिरीले बताए । उनका अनुसार कति रकम लुटिएको हो भन्ने विषयमा खुल्न सकेको छैन । बैंकले भने ३५ लाख रुपैयाँजति लुटपाट भएको बताएको छ ।
प्रहरी घटनास्थल पुगेको र थप अनुसन्धान सुरु गरेको डीएसपी गिरीले बताए । उनका अनुसार रकम लुटेेर फरार भएकाहरूको खोजी भइरहेको छ ।
