काठमाडौं । राष्ट्रिय प्रजातन्त्र पार्टीले नागरिकता विधेयक प्रमाणीकरण र प्रधानमन्त्रीको भारत भ्रमणको विषयमा प्रतिनिधि सभामा छलफल गराउन माग गर्दै स्थगन प्रस्ताव दर्ता गराएको छ ।
अत्यन्त जरुरी सार्वजनिक महत्वको विषयमाथि छलफल गर्न राप्रपाका प्रमुख सचेतक ज्ञानबहादुर शाही ( ज्ञानेन्द्र ) तर्फबाट प्रस्ताव पेश गरिएको हो ।
राप्रपाले यी दुई विषयमा छलफल नगरी वैठक सुरु हुन नदिने बताएको छ । उस्ले निर्धारित सबै कार्यक्रम स्थगित गरेर नागरिकता विधेयक प्रमाणीकरण र प्रधानमन्त्रीको भारत भ्रमणको विषयमा छलफल गराउन स्थगन प्रस्ताव दर्ता गराएको हो ।
तर प्रतिनिधि सभाका सभामुखले नियम अनुकूल भए नभएको हेरेर यस्तो प्रस्ताव स्वीकृत वा अस्वीकृत गर्नुपर्ने र त्यस्तो जानकारी प्रस्तावक सदस्यलाई दिनुपर्ने व्यवस्था छ । यस्तै सभामुखले त्यसरी सांसदले उठाएको विषयमा कुनै सदस्य वा मन्त्रीबाट जानकारीसमेत लिन सक्ने व्यवस्था छ।
संसदको बैठक तय भएको दिनको दुई घन्टाअघि संसद सचिवालयलाई यस्तो सूचना दिनुपर्ने प्रावधान प्रतिनिधि सभाको नियमावलीमा व्यवस्था गरिएको छ ।