काठमाडौं । प्रतिनिधिसभाको बैठक स्थगित भएको छ । सभामुख देवराज घिमिरेले भदौ ३० गते सम्मका लागि स्थगित गरेका हुन । प्रतिनिधि सभा बैठकमा प्रयोग गरेको ‘हिंसा’ शब्द संसद्को रेकर्डबाट नहटाएपछि नेकपा माओवादी केन्द्रले संसद बैठक अवरोध गरेको थियो ।
सभामुख घिमिरेले प्रतिनिधि सभा नियमावली र कार्यव्यवस्था परामर्श समितिको बैठकमा भएको छलफलपछि उक्त शब्द रेकर्डबाट हटाउन नपर्ने जानकारी गराएपछि एमाले र माओवादबीच भनाभन भयो । सदन सञ्चालनमा अवरोध भएपछि सभामुखले भदौ ३० गते बस्नेगरी बैठक स्थगित गरेका हुन ।