काठमाडौँ । संविधान दिवसका अवसरमा बिहिबार देखि सर्वसाधारणका लागि खुला गरिएको धरहराको टिकट आइतबारसम्मका लागि बुक भएको छ ।
धरहरा अस्थायी रूपमा सञ्चालनमा ल्याइएको छ । धरहरा चढ्नका लागि आइतबारसम्मका लागि टिकट बुक भएको सहरी विकास तथा भवन निर्माण विभागअन्तर्गतको केन्द्रीय आयोजना कार्यान्वयन एकाइका प्रमुख कोषनाथ अधिकारीले बताए ।
हालको लागि प्रत्येक दिन ६ सय जना निःशुल्क रूपमा धरहरा चढ्न पाउने छ्न । धरहरा चढ्नका लागि ‘धरहरा डट कम डट जिओबी डट एनपी वेबसाइटमा बुकिङ गर्न सकिने बताइएको छ ।