काठमाडौँ । गृहमन्त्री रमेश लेखकले गैर आवासीय नेपाली नेपालका अवैतनिक राजदूत भएको बताएका छन । गैर आवासीय नेपाली दिवस तथा वार्षिक साधारण सभा कार्यक्रममा बोल्दै उनले यस्तो बताएका हुन ।
उनले भने ‘नेपालका लागि केही गर्न उद्देश्य राख्नु भएको छ । जुन देशको नागरिक भए पनि नेपाली हुँ भनिराख्नु भएको छ। गैरआवासीय नेपाली अवैतनिक राजदूत हुनुहुन्छ । तपाईँहरू रहेको देशमा तपाईँको अनुहार र व्यवहारमा नेपाल देख्छन । तपाईँले संसार फैलिँदा नेपालको राष्ट्रियता बलियो बनाएको छ ।’
गृहमन्त्री लेखकले गैरआवासीय नेपालीको आर्थिक समाजिक र सांस्कृतिक अधिकारको सम्बोधन गर्न सरकार कानुन संशोधनको तयारीमा रहेको बताए ।
