काठमाडौं । चट्याङ लागेर सप्तरीमा आज दिउँसाे दुई जनाको मृत्यु भएको छ । मृत्यु हुनेमा बोदे बरसाइन नगरपालिका वडा नम्बर ३ मधुवन बस्ने ५६ वर्षीय रामजी यादव र ८० वर्षीय सत्यनारायण यादव रहेको जिल्ला प्रहरी कार्यालय सप्तरी ले जनाएको छ ।
घर नजिकै गाईगोरु चराउन गएका बेला पानी पर्दा एउटै छातामा ओत लागेका दुबै जनाको चट्याङ लागेर मृत्यु भएको प्रहरी ले जनाएको छ ।
मृतक दुबैको शव अहिले पोस्टमार्टमका लागि राजविराजकाे गजेन्द्रनारायण सिंह अञ्चल अस्पतालमा पठाइएकाे छ ।