काठमाडौं । माध्यमिक शिक्षा परिक्षा ( एसईई ) को नतिजा भोलि सार्वजनिक हुने भएको छ । पटक पटक मिति सार्दै आएको बोर्ड ले भोलि नतिजा सार्वजनिक गर्ने जनाएको छ ।
यसको लागि सम्पुर्ण तयारी समेत पूरा भएको एक अधिकारी ले दैनिकमाण्डु लाई जानकारी दिएका छन् । बुधबार अथार्त भोलि दिउँसो नतिजा प्रकाशित गर्ने निर्णय भइसकेको बोर्डका परीक्षा नियन्त्रक अर्जुन रायमाझीले पुष्टि गर्नु भयो ।
एसइई परीक्षा गत वैशाख ९ गतेदेखि बोर्डले भौतिक उपस्थितिमै लिएको थियो। बोर्डका अनुसार दुई हजार सात परीक्षा केन्द्रबाट ११ हजार ६१५ विद्यालयका दुई लाख ५७ हजार ९२४ छात्रा र दुई लाख ५७ हजार ५३ छात्र गरी पाँच लाख १४ हजार ९७७ परीक्षार्थीले परीक्षा दिएका परिक्षा दिएका थिए । यसअघिका दुई वर्ष कोभिड-१९ महामारीका कारण आन्तरिक मूल्यांकनबाट नतिजा प्रकाशित गरिएको थियो। 
