काठमाडौं । अभियान लघुवित्त वित्तीय संस्थाको धितोपत्रको प्रारम्भिक सार्वजनिक निष्कानस (आईपीओ) बाँडफाँट भएको छ ।
लघुवित्तको धितोपत्र निष्काशन तथा बिक्री प्रबन्धक मुक्तिनाथ क्यापिटलले आज बिहान आईपीओ बाँडफाँट गर्दा ९१ हजार ३७५ जनालाई कम्पनीको आईपीओ प्राप्त गरेका छन् । आईपीओमा माग भन्दा बढी आवेदन परेकोले धितोपत्र निष्कासन तथा बाँडफाँट नियमावली अनुसार गोलाप्रथाबाट आईपीओ बाँडफाँट भएको हो ।आईपीओमा कुल १९ लाख ८० हजार ९७६ जनाले आवेदन दिएको बिक्री प्रबन्धक मुक्तिनाथ क्यापीटलले जनाएको छ ।
जसमध्ये २ हजार ३७६ आवेदन रद्द भएर १९ लाख ७८ हजार ५९४ आवेदन स्वीकृत भएको छ ।लघुवित्तले १८ साउनदेखि २२ गतेसम्म प्रतिकित्ता १०० अंकित मूल्यमा साधारण निष्कासन गरेको थियो।
