काठमाडौं । पृथ्वी राजमार्गअन्तर्गत धादिङको गल्छीमा सवारी दुर्घटना हुँदा एक जनाको मृत्यु भएको छ ।
काठमाडौंबाट सिराहाका लागि छुटेको बागमती प्रदेश ३ ००१ ख ०७२२ नम्बरको यात्रुबाहक बसले गल्छी गाँउपालिका वडा नं. ७ स्थित खेस्टेखोला पुलनजिकै विपरीत दिशाबाट आउँदै गरेको बा. ९२ प २३६९ नम्बरको मोटरसाइकललाई ठक्कर दिदा मोटरसाइकल चालकको मृत्यु भएको प्रहरी ले जनाएको छ ।
मृत्यु हुनेमा थाँक्रे गाउँपालिका वडा नं. ११ का २६ वर्षीय सुनिल थापा रहेका छन् । उनको अस्पताल मा उपचार को क्रममा मृत्यु भएको हो ।
दुर्घटनामा परी मोटरसाइकलमा सवार अर्का ३४ वर्षीय रमेश लामा घाइते भएका जिल्ला प्रहरी कार्यालय धादिङका प्रवक्ता डीएसपी श्यामबहादुर खत्रीले बताए । यता दुर्घटनापछि आक्रोशित स्थानीयबासिन्दाले बसमा आगजनीसमेत गरेका थिए । आगजनीबाट बस पूर्णरुपमा क्षतिग्रस्त भएको छ ।