काठमाडौँ । त्रिभुवन विश्वविद्यालयले रिक्त उपकुलपतिमा नियुक्तिका लागि दोस्रो पटक दरखास्त आह्वान गरेको छ ।
समितिले यसअघि पहिलो पटक पुस २० गते सार्वजनिक सूचनामार्फत उपकुलपतिमा नियुक्तिका लागि दरखास्त आह्वान गरेको थियो । तर नियुक्तिको लागी मापदण्ड नमिलेको भन्दै चर्को विरोध भएको थियो । चर्को विरोध भए पछि प्रधानमन्त्री पुष्पकमल दाहाल प्रचण्डले सुचना रद्द गर्न निर्देशन दिएका थिए ।
प्रधानमन्त्रीको निर्देशन पछि आइतबार नै अर्को बैठक बसेर समितिले दोस्रो पटक दरखास्त आह्वान गरेको हो । कस्ता व्यक्तिले उपकुलपतिका लागि दरखास्त दिन पाउने छन भन्ने विषयमा समितिले सूचनामा केही पनि खुलाएको छैन तर उपकुलपतिका लागि इच्छुक व्यक्तिले ‘त्रिभुवन विश्वविद्यालयको उपकुलपति छनोट तथा सिफारिससम्बन्धी कार्यविधि, २०८०’ बमोजिम दरखास्त दिन भनिएको छ ।