बारा । बारा प्रहरीले १४ लाख मुल्य बराबरको भन्सार छलीका समान बरामद गरेको छ ।
ईलाका प्रहरी कार्यालय निजगढ बाट खटिएको प्रहरी टोलिले निजगढ नगरपालिका वडा नम्बर ९ शहित चोक मा प्र ०३ ००१ ख २७९२ नम्बरको यात्रु बस चेक जाँच गर्दा ५० हजार को कपडा बरामद गरेको हो । बिल भरपाइ नभएको कपडाहरु भएकोले नियन्त्रणमा लिएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक दधिराम न्यौपानेले जानकारी दिएका छन् ।
त्यस्तै प्रहरी चौकी मटिअर्वा बाट खटिएको प्रहरी टोलिले कलैया उपमहानगरपालिका वडा नम्बर १० बाट भन्सार छलीका ८ हजार मुल्यको एक सय किलो प्याज नियन्त्रणमा लिएको छ । प्रहरी चौकी कचोर्वा बाट खटिएको प्रहरी टोलिले कचोर्वा बाट भन्सार छलीका १६ हजार मुल्य बराबरको २ सय किलो चिनी बरामद भएको छ ।
प्रहरी चौकी मुसहर्वा बाट खटिएको प्रहरी टोलिले विश्रामपुर गाउँपालिका वडा नम्बर ३ मुसहर्वा बाट ना.४ त १९०६ नम्बर को ट्याक्टरमा ८ लाख २२ हजार मुल्यको मकै नियन्त्रणमा लिएको छ । प्रहरी नायब उपरीक्षक न्यौपानेका अनुसार उक्त मकै लोड भएको ट्याक्टर चालक सं कुनै पनि बिल भरपाई नभएकोले नियन्त्रणमा लिएको हो ।
त्यस्तै अस्थायी प्रहरी पोष्ट बेनौली बाट खटिएको प्रहरी टोलिले देवताल गाउँपालिका ६ बाट भन्सार छलीका १२ हजार मुल्य बराबरको मोबिल २० लिटर र काठमा लगाउने रंग ६ लिटर बरामद गरेको हो । बरामद भएको समानलाई नियन्त्रणमा लिएर आवस्यक प्रक्रिया अगाडि बढाइएको प्रब्क्ता न्यौपानेले बताए ।
