बारा । बारामा हात्तीको आक्रमणबाट एक जनाको मृत्यु भएको छ । घाँस काट्न गएको बेला जिल्लाको कोल्हवी नगरपालिका वडा नम्बर २ निवासी अन्दाजी ६३ वर्षीय हस्त बहादुर ठोक्करको हात्तीको आक्रमणबाट मृत्यु भएको प्रहरीले जनाएको छ ।
जिल्ला प्रहरी कार्यालय बाराका प्रवक्ता एवम प्रहरी नायब उपरीक्षक प्रकाश सापकोटाका अनुसार घरबाट घाँस काट्न गएको बेला जंगलबाट नफर्केपछि आफन्त र स्थानीयहरुले जंगलमा गई खोजतलास गर्दा जंगली हात्तिको आक्रमणबाट मृत अवस्थामा फेला परेका थिए ।
शवको मुचुल्का पश्चात पोस्टमार्टमको लागि प्रादेशिक अस्पताल कलैया पठाईएको प्रवक्ता सापकोटाले बताएका छ्न ।
