बारा । कलैया उपमहानगरपालिका वडा नं. ६ मदर्सा टोलमा रहेको ग्यान सरोवर एकेडेमीको आयोजनामा बारा उद्योग बाणिज्य संघ कलैयाको सभाहलमा व्यक्तित्व विकास सम्बन्धि तालिम सम्पन्न भएको छ।
सो तालिम एकेडेमीका प्रमुख कार्यकारी अधिकृत प्रेम उपाध्यायको सभापतित्वमा सम्पन्न भएको थियो।
सो तालिममा एकेडेमीका कक्षा ४ , ५ र ६ मा अधययनरत रहेको सम्पूर्ण छात्रछात्राहरुको सहभागिता रहेको थियो। सम्पूर्ण छात्रछात्राहरुको चौतर्फी विकासको लागि सो तालिमको आयोजना गरिएको आयोजकले जानकारी गराएको छ।
तालिम पश्चात सम्पूर्ण छात्रछात्राहरुले आफूले सिकेका कुराहरू सबैको अगाडि गै प्रस्तुत गरेका थिए। सो तालिममा प्रशिक्षण एकेडेमीका अधिकृत उपाध्याय र प्राधानाध्यापक श्याम केशरीले दिएका थिए।
सो तालिममा सहभागिता प्रशासक राकेश गोसाई, शिक्षकहरु गीता भट्टराई, पूजा स्वर्णकार , चन्द्रशेखर चौधरी लगायतको रहेको थियो। सो तालिममा स्वागत मन्तव्य शिक्षक संदिप केशरीले र सञ्चालन शिक्षक उमाशंकर पासवानको रहेको थियो।
