काठमाडौं । जापानमा भएको बस दुर्घटनामा परी दुई नेपाली विद्यार्थीसहित तीन जनाको मृत्यु भएको छ।
जापानी मिडियाका अनुसार सेन्दाईबाट इवातेका लागि हिँडेको बसमा खराबी देखिए पछि मियागी प्रान्तको तोहोकु एक्सप्रेस वेमा जाँचका लागि रोकिराखेको अवस्थामा ट्रकले आएर ठक्कर दिदा दुर्घटना भएको हो ।
हिजो राति भएको दुर्घटनामा परी मृत्यु हुनेमा काभ्रेका नवराज तामाङ र युवराज थापा रहेका छन् । थापा सेन्मोन गाक्कोउ तथा तामाङ निहोनगो गाक्कोउमा अध्ययनरत रहेको पनि जापानी मिडियाले जानकारी दिएको छ ।