काठमाडौं । राष्ट्रपति रामचन्द्र पौडेल आज ४ बजे सरकारको नीति तथा कार्यक्रम प्रस्तुत गर्न संसद् जाँदै छन् ।
राष्ट्रपतिको आवागमन समयलाई ध्यानमा राखेर बानेश्वर क्षेत्रको सुरक्षा व्यवस्था कडा पारिएको छ । आवागमनको समयमा सडकमा गुडिरहेका सवारीलाई बाधा नपुग्ने गरि राष्ट्रपति संसद भवन पुग्ने जनाईएको छ ।
संघीय संसदका दुवै सदनलाई संबोधन गर्न जाने क्रममा नागरिकलाई सास्ती हुनेगरी ‘तामझाम’को तयारी नगर्न राष्ट्रपतिले निर्देशन दिएको उनको सचिवालयले जनाएको छ ।
यस अघि पनि राष्ट्रपति पौडेलले निर्वाचित भएपछि गोरखा पुगेर ‘अब सवारी नभएर आवागमन भन्न’ निर्देशन दिएका थिए । अहिले उनले नागरिकलाई असुविधा हुनेगरी कारगेड प्रयोग नगर्न निर्देशन दिएका हुन् ।
