पोखरा । पोखरामा सवारी दुर्घटना हुँदा एक जनाको मृत्यु भएको भने एक घाइते भएका छन् । मृत्यु हुनेमा काठमाडौँ कपनका १८ वर्षीय सफल खतिवडा रहेकोे जिल्ला प्रहरी कार्यालय कास्कीले जनाएको छ ।उनको उपचारको क्रममा मृत्यु भएको हो ।
चालक तनहुँको म्याग्दे गाउँपालिका–४ थर्पु बस्ने १७ वर्षीय सङ्गम बानियाँको टाउको र घाँटीमा चोट लागेको छ । पोखरा महानगरपालिका–६ खहरेचोकस्थित हल्लनचोकबाट गैह्राकोचौतारातर्फ जाँदै गरेको ग२४प ३१० नंको मोटरसाइकल आफैँ अनियन्त्रित भई सडकको छेउमा रहेको बिजुलीको पोलमा ठोक्किएको थियो ।
वडा प्रहरी कार्यालय बैदामबाट गएको प्रहरी टोलीले घाइतेलाई उद्धार गरी उपचारका लागि मेट्रोसिटी अस्पताल पठाएको थियो । दुर्घटनामा परेको मोटरसाइकल प्रहरी नियन्त्रणमा रहेको छ ।
