काठमाण्डौ । मोटरसाइकलको ठक्कर बाट सुर्खेतमा एक जनाको मृत्यु भएको छ । वीरन्द्रनगर नगरपालिका–६ घण्टाघर चोकनजिक पैदलयात्रु वीरेन्द्रनगर–७ का ५० वर्षीय टिका सुनारको मृत्यु भएको प्रहरीले जनाएको छ।
घण्टाघरदेखि शंकरचोकतर्फ जाँदै गरेको कर्णाली प्रदेश ०२–००१ प ४७६१ नम्बरको मोटरसाइकको ठक्करबाट गम्भीर घाइते भएका सुनारको उपचारको क्रममा कर्णाली प्रदेश अस्पताल कालागाउँमा मृत्यु भएको जिल्ला प्रहरी कार्यालय सुर्खेतका प्रहरी नायव उपरीक्षक एवम् प्रवक्ता लक्ष्मणबहादुर शाहीले बताए ।
मोटरसाइकल चालक महावु गाउँपालिका–६ का ३३ वर्षीय तेजबहादुर शाहीलाई नियन्त्रणमा लिएको प्रहरीले जनाएको छ ।
