काठमाडौँ । नेपाल सरकारले धान, चामल र चिनी माग्दै लेख्यो भारतलाई पत्र पठाएको छ । चाडपर्वमा सम्भावित खाद्यान्नको अभाव हुन नदिन भारतलाई धान, चामल र चिनी माग गर्दै पत्र लेखिएको उद्योग, वाणिज्य तथा आपूर्ति मन्त्रालयका सह–सचिव रामचन्द्र तिवारीले बताए ।
उनका अनुसार परराष्ट्र मन्त्रालय मार्फत पठाइएको छ । १० लाख टन धान, १ लाख टन चामल र ५० हजार टन चिनी माग गएरिएको छ । भारतले ४ साउनमा बासमती बाहेकका सेतो चामलको निर्यात रोक्ने निर्णय गरेको थियो ।
भारतको निर्णयको असर नेपाली बजारमा देखिन सक्ने भएकाले परिमाण तोकेर खाद्यान्नका आयातका लागि आग्रह गरिएको जनाइएको छ ।
चाडपर्वको समय नजिकिँदै गर्दा व्यापारीहरूले यी खाद्यान्न लुकाएर राख्ने र मूल्यवृद्धि गराउन सक्ने भएकाले आयतलाई नियमित राख्न आवश्यक भएको सरकारको भनाई छ ।
