काठमाडौँ । सन नेपाल लाइफ इन्सुरेन्सको आइपीओ बाँडफाँट भएको छ ।
आइपीओमा कुल १४ लाख ६६ हजार ८६२ ले आवेदन दिएकामा त्यस मध्ये १४ लाख ६० हजार ६१ जना आवेदकलाई गोला प्रथामा सहभागी गराइएको बिक्री प्रबन्धक नेपाल एसबीआई मचेन्ट बैंकिङले जनाएको छ । ६ हजार ८०१ जनाको आवेदन रद्द भएको छ ।
कम्पनीको आइपीओ गोला प्रथामार्फत १० कित्ताका दरले ७ लाख ६८ हजार जना सर्वसाधारण आवेदकहरूले हात पारेका छन्।
कम्पनीले साउन ३२ गतेदेखि भदौ ४ गतेसम्म सर्वसाधारणका लागि कुल ७६ लाख ८० हजार कित्ता आइपीओ प्रिमियम भाउमा बिक्री खुला गरेको हो।