काठमाडौँ । त्रिभुवन विश्वविद्यालय चिकित्सा शास्त्र अध्ययन संस्थान (आईओएम)बाट अवकाश पाएका वरिष्ठ मुटु शल्य चिकित्सक प्रा.डा. भगवान कोइराला चिकित्सा विज्ञान राष्ट्रिय प्रतिष्ठान (न्याम्स)मा आबद्ध भएका छन ।
उमेर हदका कारण उनी सोही संस्थाबाट गत साउन ९ गते अवकाश पाएका थिए । अवकाश भए पछि अब उनले न्याम्समा भिजिटिङ प्रोफेसरको रूपमा शैक्षिक कार्यक्रम र वीर अस्पतालबाट मुटु उपचार सेवा प्रदान गर्ने भएका छ्न ।
उनले अब अस्पतालबाट मुटुको ओपिडी र शल्यक्रिया सेवालाई नियमित रूपमा गर्ने योजना रहेको जानकारी दिएका छ्न । डा.कोइरालाले वीरमा दुई दिन ओपिडी र दुई दिन शल्यक्रिया गर्ने योजना रहेको बताए ।
