काठमाडौं । भारतले एसिया कपको उपाधि जितेको छ ।
कोलम्बोमा जारी एसिया कप क्रिकेटमा श्रीलंकाले ५१ रनको समान्य लक्ष्य दिएको थियो । भारतले ६.१ ओभरको समाप्तिमा बिना विकेट गुमाई १० विकेटले विजयी भएको छ ।भारतले आठौँपटक एसिया कपको उपाधि जितेको हो ।
टस जितेर पहिला ब्याटिङ गरेको श्रीलंकालाई ५० रनमै अलआउट गर्नुमा मोहम्मद सिराजको मुख्य भूमिका थियो । उनले ६ विकेट लिएका थिए । यस्तै हार्दिक पंड्याले ३ विकेट लिए भने जसप्रित बुमराहले एक विकेट लिए ।
भारतका लागि शुभमन गिलले २७ रन र इसान किसनले २३ रन बनाए ।