बारा । अस्ताउँदो सूर्यलाई अर्घ दिँदै हर्षोल्लासका साथ आइतबार छठ पर्व मनाईएको छ। चारदिनसम्म विभिन्न विधि गर्दै मनाइने यस पर्वको तेस्रो दिन आज साँझ देशभरका जलाशयमा अस्ताउँदो सूर्यलाई अर्घ अर्पन गर्दै धुमधामका साथ छठ पर्व मनाइएको छ ।
सूर्य उपासना परम्पराको मोहक पद्धति मानिएको संसारमा यही एक यस्तो पर्व हो जसमा अस्ताउँदो र उदाउँदो सूर्यको पूजा गरिन्छ ।
पारिवारिक सुख, शान्ति, समृद्धि, शारीरिक कल्याण, रोगबाट मुक्ति तथा विभिन्न मनोकाङ्क्षा पूरा होस भन्ने उद्देश्यले श्रद्धापूर्वक छठ पर्व मनाइने गर्दछ भने छठ पर्वका अवसरमा पोखरी, नदी, तलाउ र जलासयमा श्रद्धालु भक्तजनको भीड लागेको छ ।
शुक्रवार चोखो भोजन ग्रहण गर्ने, शनिवार सुर्यास्त पछि एक छाक खाने, आइतबार अस्ताउँदो र सोमबार उदाउँदो सुर्यलाई अर्घ दिने चलन छ। भोली उदाउदै गरेको सुर्यलाई अर्घ दिए पछि छ्ठ औपचारिक रुपमा सम्पन्न हुने छ ।
