काठमाडौं । नेपालमा संचालित ई सेवाले क्रिसमस को अवसरमा ई-सेवा केयर सुविधामा अफर ल्याएको छ । उक्त अफर अन्तर्गत ३६ हजार क्यासब्याक पाउन सकिने जनाएको छ ।
ई-सेवाले दैनिक एक रुपैयाँभन्दा कममै हेल्थ केयर सुविधा लिन सकिने केयरमा यस्तो अफर सार्वजनिक गरेको हो । ई-सेवाले ल्याएको अफरमा आज खरिद गरेमा एक जना भाग्यशाली विजेताले सय गुणा अर्थात् ३६ हजारको क्यास ब्याक पाउने जनाएको हो ।
अफरअन्तर्गत वर्षको ३६०रुपैयाँमा २ लाख ३०हजारसम्मको कभरेज प्रदान हुने ई-सेवाले जनाएको छ ।
ई सेवाले आफ्ना ग्राहक तथा प्रयोगकर्ताहरूको स्वास्थ्य तथा आइपर्ने भवितव्य तथा दुर्घटना लाई मध्यनजर गर्दै हिमालयन एभरेस्ट इन्स्योरेन्स्सँगको सहकार्यमा यस किसिमको सुविधा प्रदान गरिरहेको छ । ई-सेवा को अनुसार थुप्रै स्वास्थ्य सेवाहरूका साथै अस्पताल भर्ना बीमा प्याकेज र दुर्घटना बीमाको सुविधा लिन सकिने छ ।