बारा । आजदेखि चितवन राष्ट्रिय निकुञ्जभित्र जीप सफारी संचालन हुने भएको छ । असार १६ गतेदेखि निकुञ्जभित्र रोकिएको सफारी आजदेखि पुन संचालनमा आउने भएको हो ।
चाडपर्वमा घुम्न आउने पर्यटकलाई लक्षित गरी सबै सडक सफा गर्न नसकिए पनि सफारी खुल्ला गरिएको निकुञ्जका सूचना अधिकारी गणेशप्रसाद तिवारीले जानकारी दिएका छ्न ।
निकुञ्जभित्र सबैभन्दा बढी सौराहाबाट ३२ जीप चल्ने गर्दछन । कसराबाट २०, मेघौलीबाट ९,नवलपरासीको अमलटारीबाट ६, कुजौलीबाट दुईवटा तथा माडीबाट एउटा जीपले निकुञ्जभित्र पर्यटक घुमाउने गर्दछन । निकुञ्ज क्षेत्रको मुख्य पर्यटकीय गतिविधि जीप सफारी हो ।